Planvoludes familhes,
De molti ans ençà s’a detectat era proliferacion der usatge ludic e sociau des mobils e d’autes airines electroniques, hèt qu’afecte dirèctament era atencion des alumnes e eth sòn rendiment e, a mès a mès, provòque problèmes entara conviuença degut ar mau usatge des hilats sociaus.
Des deth claustre de professors creiguem qu’ei important de fomentar era competéncia digitau des escolans en tot establir limits ar usatge des mobils e d’auti aparelhs electronics, e potenciar-ne un usatge didactic.
Damb aguestes consideracions, eth claustre de professors amassat eth dia 02/09/2019 a decidit que serie convenient que pendent eth cors 19/20 er usatge deth mobil e d’auti aparelhs electronics siga DEFENUT en tot eth recinte escolar. Se restingirà er usatge deth mobil EXCLUSIVAMENT en ambit pedagogic, laguens des aules e jos eth consentiment EXPLICIT deth professorat present.
S’aplicaràn es sancions pertinentes que sigan recuelhudes enes NOFC.
Coraument,
Era direccion deth centre
