Aué, diuendres 20 de gèr, auem hestejat ena escòla SANT VICENÇ (patron des estudiant e estudiantes).

Peth maitin auem hèt crespèths per classas en tot trabalhar eth tèxte instructiu (recèpta) e pera tarde toti auem hèt ua manualitat per grops internivèus: “era espasa transformada”.

Era manualitat tracte de transformar un simbèu de luta (coma en principi ei ua espasa) en un objècte o imatge polida e transformada. Atau coma Sant Vicenç lutaue de manera simbòlica entà que toti es mainatges e mainades auesquen accès ara alfabetizacion.

Dimars 20 de deseme se hec era hetejada de Nadau dera escòla.

Toti es escolans/es demorèren impacients/es era arribada de Pair Nadau tamb elicoptèr!

Siguec plan emocionant! Ara seguida comencèc era hestejada de Nadau tamb es dances e nadales qu’auien premanit es escolans/es.

Eth dimèrcles 21 acabèrem eth trimestre tamb era “cagada” dera soca.

Era equipa de mèstras dera escòla Ruda de Salardú vos desire un BON NADAU!

Eth dissabte 17 de deseme de 2022 era escòla Ruda de Salardú amassa tamb era AFA hestegèrem “La Marató de TV3”. Se hec un vrespalh e Bingo solidàri a on tot çò que se recaudèc anèc destinat ara investigacion dera Salut Cardiovasculara.

Des dera escòla volem arregraïr a totes es persones, entitats e empreses que participèren e collaborèren tamb era “Marató de TV3”. Especiaument as escolans/es, familhes e Ajuntament deth Naut Aran.

Fòrça gràcies pera vòsta companhia en tot passar ua tarde solidària tant especiau!

Aué, 22 de noveme, ei eth dia de Santa Cecilia, patrona dera musica. Toti es escolans e escolanes dera escòla Ruda de Salardú ac auem hestejat.

Peth maitin anèrem tà Arties a hestejar-lo amassa tamb es companhs e companhes dera ZER. En tot dançar e cantar es cançons que mos auiem anat premanint ena classa d’educacion fisica e musica.

Pera tarde hérem estruments per grops internivèus ena nòsta escòla.

Mos ac passèrem fòrça ben!

Aué ena escòla auem hestejat Castanhada e Halloween.

Es escolans e escolanes an vengut entitassadi de castanhèrs e castanhères peth maitin e auem gessut a cercar ara castanhèra tamb companhia dera AFA. Peth camin mos auem trapat fòrça surpreses!!

Pera tarde mos auem entitassat de Halloween en tot pintar-mos era cara. Ara gessuda es familhes auien montat ua paradeta de productes de tardor e castanhes entà vrespalhar.

Pendent era setmana deth 17 ath 21 d’octobre auem hestejat era setmana Bio ena escòla damb disparières activitats.
Deluns mos visitèc Becky entà mostrar-mos com se pòt hèr causes fòrça polides damb elements de reciclatge. Es petiti hèren un “marcatasses” e es grani… Llegeix més»

Panèu "Noa Descalzo Díaz"

Diuendres, dia 7 d’octubre, a estat era hèira de Salardú.
Toti es escolans e escolanes de cicle superior participèren ena elaboracion deth panèu informatiu. Finaument eth panèu guanhador, que podetz veir ena portada der article, siguec eth de “Noa Descalzo… Llegeix més»

Un an mès èm encatades de recéber as escolans/es en centre entà contunhar creishent amassa tamb fòrça ganes e illusion.