Visita ara ràdio

admin09/11/23  

Er escolanat de 5au e 6au  trabalhan enguan era ràdio ena escòla en airau d’aranés. Era finalitat ei mielhorar era competéncia lingüistica e orau en aranés atau coma trabalhar era competéncia digitau tamb era edicion des programes de ràdio.

Entà iniciar aguest projècte d’aula auérem eth privilegi de poder anar a visitar e gravar eth nòste prumèr programa ena ràdio GUM FM tamb Joan Manel Parramón. Que mos hec un explic de coma èren es ràdios antigament e coma auien anat evolucionant.

Siguec ua experiéncia increible!

 

Setmana dera sciéncia

admin08/11/23  

Aguest dimèrcles dia 8 de noveme auem trabalhat ena escòla era setmana dera sciéncia. Entà d’açò vengueren es companhs e companhes dera ZER de 4au. 5au. e 6au. e toti e totes participèrem en uns talhèrs dera recerca deth mon a cargue deth grop ACCIÓ dera Generalitat de Catalunha.

Premaniren 4 talhèrs diuèrsi:

  • Vols veure l’ADN? (taller de Biologia)
  • De què estan fetes les estrelles? (taller d’Astronomia)
  • Sensors per automatitzar (taller de Tecnologia i Biologia)
  • El Mill i els seus colors (taller de Química – Botànica)

Eth nòste escolanat aprenec fòrça en tot experimentar!

 

Despedida 6au. e Olimpiada ZER

admin26/06/23  

Eth dijaus 22 de junh siguec eth darrèr dia de cors!

Se hestegèc era despedida des escolans e escolanes de 6au. de tota era ZER tamb ua olimpiada e dempús a nivèu de centre se hèc un dinar amassa entà despedir as nòsti escolans/es e eth cors.

Ara vos desiram un bon ostiu en tot agarrar fòrces tath nau cors escolar 2023-24!!!

Ua abraçada a toti e totes!!

Activitats finau de cors

admin26/06/23  

Pendent era darrera setmana de cors er escolanat dera escòla an hèt diuèrses activitats internivèus.

Programa:

Deluns 19 hèren escòla de bòsc

Dimars 20 hèren piscina

Dimèrcles 21 hèren ua ginkana premanida e organizada per toti es escolans/es de primària

Dijaus 22 hèren era despedida des escolans/es de 6au. en tot amassar-mos tota era ZER (escolans/es e mèstres) en Salardú. Se premanic ua Olimpiada des dera ZER a on tot er escolanat s’ac passèc molt ben!

Burritos Bagergue

admin16/06/23  

Pendent era darrèra setmana anèrem tà Bagergue, ara bòrda dera Lana entà realizar diuèrses activitats tamb dus somèrs; Lulú e Ardi.
Era mainadèra participèc en tot premanir eth minjar 🥕🍏, passèren era bròssa en tot hèr reflexions, cerquèren flors ,liegeren un tèxte…. .Tot un conjunt d’activitats emocionants a on apreneren e coneisheren es sues caracteristiques, eth sòn comportament e tota era atencion qu’an de besonh.
Fin finau, diboishèren en solèr tot çò qu’auien experimentat e sentut 🎨. Gràcies;Omaira Valiente, Natalia Herrera e sustot a tu Martina Arruabarrena, pera iniciatiua d’aguest projècte e per deishar-mos apropar a d’aguesti animaus tan intelligenti.

GRÀCIES !

Salut a les escoles

admin13/06/22  

Aué es escolans e escolanes de cicle miei de tota era ZER mos auem amassat en Salardú.
Auem escotat ua charrada per part d’Eva deth “Col·legi de Fisioterapeutes de Catalunya” sus era importància dera Salut enes escòles, tanben auem hèt practiques.
Fòrça gràcies Eva.

Es cargòlhs

admin06/06/22  

Pendent aguest trimèstre es escolans e escolanes de cicle miei auem trabalhat eth projècte des animaus. Auem montat un terrari entà representar eth sòn mèdi. Fin finau, auem expausat orauments as auti corsi es caracteristiques d’aguest tipe d’animau, en tot explicar qu’ei un animau invertebrat… Llegeix més»

Visita antics escolans/es

admin03/06/22  

Aué mos an vengut a visitar antics escolans qu’ara son en prumèr dera ESO. Er objectiu ei compartir experiéncies e resòler possibles dubtes qu’an es escolanes/es de 6au. sus er IES.

Visita ar IES d’Aran

admin02/06/22  

Eth dia 26 de mai es escolanes de 6au. de Salardú baishèren a visitar er IES d’Aran, amassa tamb es sòns companhs/es dera ZER.

Èren molt nervioses, mès …  tamb plan ganes de començar e conéisher un nau mon!