Ginys

Magràs 2024

admin09/02/24  

Eth dia 5 de hereuèr, arribèc eth Sr. Magràs ara escòla e cada maitin mos prepausaue vier disfrassadi tamb diuèrsi complements.

Eth diuendres, mos amasserem tamb es escòles dera ZER en Arties. Comencèrem ena escòla Loseron en tot hèr uns petits talhèrs de dances, esdejoèrem e hèrem era rua pes carrèrs deth pòble.

Ara tarde, passegèrem ath Sr. Magràs per Salardú e era mainadèra de Cicle Superior premanic eth judici e decidic qu’auie d’èster cremat.

Auem passat ua setmana plia de boni moments en tot arrir fòrça!

TALHÈRS BUCODENTAUS

admin07/02/24  

 

Eth 7 de hereuèr, es Servicis Assistenciaus integrats d’Aran realizèren uns talhèrs ara mainadèra d’Educacion Infantila e Cicle Iniciau entà promòir era importància d’auer ues bones abitudes d’igièna bocau.

DIA DERA NON VIOLÉNCIA E ERA PATZ

admin30/01/24  

 

Aguest an ena escòla, entà celebrar eth dia dera non violéncia e era patz auem trabalhat tamb era mainadèra drapeus qu’an decorat tamb diboishi e frases que representen era unitat e era esperança entà arténher un mon milhor entà toti e totes.

SANT VICENÇ

admin22/01/24  

Eth 22 de gèr celebrèrem toti amassa Sant Vicenç, patron  des escolans e escolanes dera Val d’Aran.

Pendent eth maitin trabalhèrem era recèpta des crespèths/pescajons en tot escríuer es ingredients e era sua elaboracion. Ara seguida les comencèrem a hèr entre toti e quedèren boníssims.

Ath meddia, mèstres e mainadèra dinèrem amassa en tot compartir ua beròia estona.

Ara tarde, per grops internivèus pintèren e decorèren era espada en tot dar-li ua naua forma.

 

NADAU

admin19/12/23  

 

Eth dia 19 de deseme celebrèrem eth hestau de Nadau. Es escolans barèrem, cançons de bandes sonòres de cinèma: I3-I4: “Singing in the rain”, I5: “Indiana Jones”, 1r: “Madagascar”, 2au: “Bollywood”, 3au-4au: “Minions” e 5au-6au: “Piratas del Caribe”.

Tanben cantèrem cançons de Nadau: I3-I4-I5 “Amb la llum del fanalet”, 1r-2au “El trineu”, 3au-4au “Siempre es Navidad junto a ti” e 5au-6au en francés.

Quan acabèrem, Pair Nadau, qu’arribèc en elicoptèr e campèc totes es actuacions seigut en scenari,  dèc un present a tota era mainadèra.

Eth dia 20, eth darrèr dia d’escòla deth prumèr trimèstre, cantèrem ara soca en tot amassar-mos per grops. Aguesta mos susprenec tamb doci e un joguet entà cada classa.

Sigueren uns dies fòrça especiaus!

 

LAND ART

admin15/11/23  

Aguesta activitat tanben ei coneishuda coma art dera Tèrra,  trabalhe era expression artistica e era mainadèra desvolope era creativitat e era imaginacion. Per grops internivèus es escolans/es cerquèren un espaci a on crear es sues òbres tamb es diuèrsi elements naturaus qu’auien anat agarrant (garròts, huelhes, pèires, tèrra…). Land art ei ua activitat qu’afavorís eth respècte pera natura, eth trabalh en equipa e era estima per entorn.

Visita ara ràdio

admin09/11/23  

Er escolanat de 5au e 6au  trabalhan enguan era ràdio ena escòla en airau d’aranés. Era finalitat ei mielhorar era competéncia lingüistica e orau en aranés atau coma trabalhar era competéncia digitau tamb era edicion des programes de ràdio.

Entà iniciar aguest projècte d’aula auérem eth privilegi de poder anar a visitar e gravar eth nòste prumèr programa ena ràdio GUM FM tamb Joan Manel Parramón. Que mos hec un explic de coma èren es ràdios antigament e coma auien anat evolucionant.

Siguec ua experiéncia increible!

 

Setmana dera sciéncia

admin08/11/23  

Aguest dimèrcles dia 8 de noveme auem trabalhat ena escòla era setmana dera sciéncia. Entà d’açò vengueren es companhs e companhes dera ZER de 4au. 5au. e 6au. e toti e totes participèrem en uns talhèrs dera recerca deth mon a cargue deth grop ACCIÓ dera Generalitat de Catalunha.

Premaniren 4 talhèrs diuèrsi:

  • Vols veure l’ADN? (taller de Biologia)
  • De què estan fetes les estrelles? (taller d’Astronomia)
  • Sensors per automatitzar (taller de Tecnologia i Biologia)
  • El Mill i els seus colors (taller de Química – Botànica)

Eth nòste escolanat aprenec fòrça en tot experimentar!

 

CASTANHADA – HALLOWEEN

admin31/10/23  

Eth diuendres 31 d’octobre, celebrèrem era castanhada ena escòla . Era mainadèra arribaue ara escòla defressadi de castanhèrs e castanhères e pendent eth maitin heren ua rua pes carrèrs deth pòble en tot cantar e dançar cançons dera tardor. Ara tarde deren era benvenguda a Halloween tamb fòrça divertiment e illusion.