Eth dia 24 d’octobre es escolans/es d’educacion infantila dera ZER visitèren eth parc de fauna. En arribar un monitor mos acompanhèc en tot explicar-mos fòrça causes des diuèrsi animaus que viuen en parc. Sabetz quini vederem? Lueires, isards, gatilops, arrianglos, ossi, lops,… Llegeix més»
Deth 14 ath 22 d’octobre s’organizen activitats restacades tamb era setmana BIO tamb er objectiu de promòir e conéisher era produccion e era alimentacion ecologica. Era AFA expliquèc ara mainadèra era importància d’auer ues bones abitudes tamb era alimentacion en tot premanir er esdejoar tamb un talhèr de broquetes de fruta e uns doci hèti tamb pasta de huelha, chicolate, marmelada e semes. Tanben apreneren coma se hè chuc de poma BIO.
Eduard Martínez, Biologista tamb era especialitat d’ornitològ, mos aufric ua activitat entà conéisher d’apròp es principaus caracteristiques des audèths. Aprenérem fòrça e siguec fòrça interessant.
Es dies 3, 11 e 16 d’octobre es escolans/es de primària, per cicles, heren era gessuda a Montgarri. Participèren es agents de medi ambient a on les expliquèren e ensenhèren imatges des diuèrsi animaus qu’abiten ena Val d’Aran e des sues caracteristiques principaus. Passèren un dia plan beròi, gaudint deth paisatge e der entorn.
Aué er escolanat de Cicle Miei e Cicle Superior an gaudit tamb era visita deth bus: Creativity dera Caixa, a on era mainadèra an pogut experimentar tamb era gravetat, es circuits electrics e era pression atmosferica . Tanben an elaborat es sòns cuertmetratges a trauès de fòtos tamb eth programa “Slow Motion”.
Pendent aguesta setmana auem realizat activitats en tot trabalhar era classificacion des animaus, es sues caracteristiques e parts deth còs a compdar d’ues imatges que s’an despartit as diuèrsi grops internivèus a on era mainadèra auie d’anar hènt preguntes entà endonviar er animau. An mostrat interès e curiositat pes animaus der entorn propèr.
Eth grop de Cicle Superior tanben a trabalhat era superficia a trauès des cabanes bastides.
Aguesta setmana auem començat a trabalhar es animaus. Auem vist animaus invertebradi e vertebradi e auem trapat fòrça tralhs.
Aguesta setmana auem endegat eth projècte de centre, en tot connectar ar escolanat damb er entorn a trauèrs d’activitats sensoriaus e artistiques.
Eth dijaus 22 de junh siguec eth darrèr dia de cors!
Se hestegèc era despedida des escolans e escolanes de 6au. de tota era ZER tamb ua olimpiada e dempús a nivèu de centre se hèc un dinar amassa entà despedir as nòsti escolans/es e eth cors.
Ara vos desiram un bon ostiu en tot agarrar fòrces tath nau cors escolar 2023-24!!!
Ua abraçada a toti e totes!!
Pendent era darrera setmana de cors er escolanat dera escòla an hèt diuèrses activitats internivèus.
Programa:
Deluns 19 hèren escòla de bòsc
Dimars 20 hèren piscina
Dimèrcles 21 hèren ua ginkana premanida e organizada per toti es escolans/es de primària
Dijaus 22 hèren era despedida des escolans/es de 6au. en tot amassar-mos tota era ZER (escolans/es e mèstres) en Salardú. Se premanic ua Olimpiada des dera ZER a on tot er escolanat s’ac passèc molt ben!
