Pendent era setmana deth 17 ath 21 d’octobre auem hestejat era setmana Bio ena escòla damb disparières activitats.
Deluns mos visitèc Becky entà mostrar-mos com se pòt hèr causes fòrça polides damb elements de reciclatge. Es petiti hèren un “marcatasses” e es grani un veire. Siguec fòrça estonant vèir com se partie era ampolha!
Dimars mo’n anèrem tota era escòla entà Bagergue tà visitar era Hormatgeria Tarrau. Aquiu Tonho mos expliquèc coma hè eth hormatge damb es productes Bio e de proximitat.
Aprofitèrem entà disfrutar d’un gran dia de tardor e arremassèrem huelhes, fruits e elements deth bòsc entà hèr manualitats ena escòla.
Dimèrcles mos visitèc Manel Arjó e mos ensenhèc es imatges des installacions qu’a en Mont. Aquiu a uart e animaus e mos expliquèc com ei era economia circulara e quini avantatges auem ena nòsta Val.
Tanben mos aufric productes dera sua colhita, pan e doci qu’elabore en sòn obrador damb productes Bio. Tot ère boníssim!!!
Dijaus vinguec Ainelda d’Art-faig entà ensenhar-mos com hè art damb es elements dera natura, sustot damb era husta. Mos expliquèc causes deth bòsc, des disparières tipes de husta e com trabalhe era aguest materiau.
Ara seguida mos despartirem en grops internivèus tota era escòla entà hèr eth nòste joguet de husta. Disfrutèrem plan fòrça damb es airines en tot utilizant era imaginacion!
Diuendres es familhes dera AFA mos premaniren ua gran jornada. Peth maitin visitèrem eth uart de Nuri damb garies e productes ecològics. Mos esprimic quines estratègies hège entà èster sostenible. Dempús mos autregèren damb un circuit sensoriau hèt damb productes de proximitat e ecològics. Pera tarde es grani ajudèren a montar era paradeta de productes elaboradi de forma artesanau entà véner-les e auèr sòs tà d’autes activitats. Er escolanat de cicle miei e superior ajudèren a hèr e véner creps, pastissi e tes. Tot ère boníssim!!!!
