NIL NEBOT
12/04/24Eth diuendres, es escolans e escolanes pendent eth maintin realizèrem un talhèr de pintura tamb er artista Nil Nebot. Gaudirem d’ua session artistica en bòsc a compdar d’elements naturaus.
Eth diuendres, es escolans e escolanes pendent eth maintin realizèrem un talhèr de pintura tamb er artista Nil Nebot. Gaudirem d’ua session artistica en bòsc a compdar d’elements naturaus.
En projècte de bòsc aprofitam eth paisatge nheuat entà trabalhar es poligòns e estats dera aigua. Entà acabar toti heren pipòts de nhèu.
Ja auem tornat as gessudes entath bòsc! Pendent aguestes dues setmanes realizaram diuèrses activitats tamb toti es escolans/es.
Aguest dimèrcles, era mainadèra d’Educacion Infantila e Cicle Iniciau an aprenut fòrça sus es peades des animaus tamb es agents de Mèdi Ambient.
Es escolans/es de Cicle Miei e Cicle Superior an hèt minjaders entàs audèths e les an deishat enes arbes entà que se poguen neurir.
Aguesta activitat tanben ei coneishuda coma art dera Tèrra, trabalhe era expression artistica e era mainadèra desvolope era creativitat e era imaginacion. Per grops internivèus es escolans/es cerquèren un espaci a on crear es sues òbres tamb es diuèrsi elements naturaus qu’auien anat agarrant (garròts, huelhes, pèires, tèrra…). Land art ei ua activitat qu’afavorís eth respècte pera natura, eth trabalh en equipa e era estima per entorn.
Eduard Martínez, Biologista tamb era especialitat d’ornitològ, mos aufric ua activitat entà conéisher d’apròp es principaus caracteristiques des audèths. Aprenérem fòrça e siguec fòrça interessant.
Pendent aguesta setmana auem realizat activitats en tot trabalhar era classificacion des animaus, es sues caracteristiques e parts deth còs a compdar d’ues imatges que s’an despartit as diuèrsi grops internivèus a on era mainadèra auie d’anar hènt preguntes entà endonviar er animau. An mostrat interès e curiositat pes animaus der entorn propèr.
Eth grop de Cicle Superior tanben a trabalhat era superficia a trauès des cabanes bastides.
Aguesta setmana auem començat a trabalhar es animaus. Auem vist animaus invertebradi e vertebradi e auem trapat fòrça tralhs.
Aguesta setmana auem endegat eth projècte de centre, en tot connectar ar escolanat damb er entorn a trauèrs d’activitats sensoriaus e artistiques.