Es dies 4 e 5 de mai trabalhèrem ena escòla era concienciacion e respècte peth miei ambient en tot aprofitar eth “Let’s Clean Europe 2023”. Eth dijaus dia 4 er escolanat gessec a netejar es diuèrsi camins deth nòste entorn en tot dividir-se per cicles e etapes. Totes es lordères que s’arremassèren les lancèren enes contenedors corresponents. Tamb era finalitat de collaborar en ua accion comuna a tota Euròpa entà conscienciar sus era quantitat de residus que lançam de forma incontrolada ena natura e promòir accions de sensibilizacion a trauèrs dera arremassada d’aguesti residus que s’an lançat enes bòsqui, camins… Pera tarde se hèc era arremassada de piles peth tot eth pòble e s’envièc ena campanha tamb era que collaboram “APILO 2023”

Eth diuendres 5 de mai tot er escolanat dera ZER pujèren tara nòsta escòla entà realizar uns talhèrs peth pròjecte d’escòles verdes.

Toti es talhèrs èren restacadi damb eth reciclatge dera ròba que ja non emplegam. Es dessenhs creadi sigueren plan originaus: manoquetes, pòts, ròba redessenhada, ampolhes decorades…E er ajuntament mos aufric un esdejoar salutós (fruta).

Sigueren dus dies plan interessanti!

Eth 24 d’abriu tot er escolanat dera ZER s’amassèc en Gessa peth maitin entà hestejar Sant Jòrdi. En tot hèr talhèrs per cicles e balhar es premis deth Conde ZER.

Des dera escòla volem felicitar a Berta Ubeira, Isabel Navarro e Maya Murillo pes sòns premis en concors de diboish.

Pera tarde tot er escolanat dera ZER anèren a veir ua òbra de teatre organizada pera AFA dera escòla Ruda de Salardú e er ajuntament deth Naut Aran.

Era òbra les agradèc fòrça, gràcies familhes!!!

 

Es dies 19, 20 e 21 d’abriu er escolanat de 4au. 5au. e 6au. anèren de colònies tà Coma-Ruga.

Heren activitats de plaja coma Kayak, big surf e jòcs en sable. En tot passar uns dies de convivéncia tot er escolanat dera ZER amassa.

Dijaus 30 de març hèrem ena escòla era hèsta de primauera!

Era hèsta de primauera ei era nèt mès desirada per escolanat dejà que sopam toti amassa ena escòla, hèm jòcs de nèt peth pòble (primària), condes de nèt (infantila), session de cine per classas e dromir toti e totes ena escòla. Ei ua nèt especiau!!

A londeman, dempús d’esdejoar toti amassa, er escolanat de 5au. e 6au. mos hèren ues representacions teatrau de çò qu’auien trabalhat en istòria pendent aguest trimestre. E fin finau hèrem era mona. A estat un finau de trimestre plan bon!!

Gràcies mèstres e familhes per collaborar e as escolans/es per disfrutar e compartir amassa.

Bones hèstes de Pasca!

Diuendres 17 de hereuèr hestegèrem ena escòla Magràs.

Peth maitin mos acompanhèren toti es companhs e companhes dera ZER en tot hèr ua rua peth pòble de Salardú. Dempús esdejoèrem gaudint d’ua animacion infantil tot a cargue der ajuntament deth Naut Aran.

E pera tarde, es escolans/es de Salardú, tornèrem a hèr era rua peth pòble, aguest viatge acompanhadi pes familhes. Ara seguida hèrem eth judici de Magràs e era AFA organicèc un vrespalh e un espectacle infantil.

Fòrça gràcies a toti e totes pera organizacion, collaboracion e acompanhament.

Siguec un dia plan especiau gràcies ara vòsta companhia e implicacion!

Aué dia 24 de gèr auem començat era activitat d’espòrt blanc.
Toti es escolans/es dera ZER de cicle miei pugen tà Baqueira/Beret a gaudir des tres modalitats d’esquí: – esquí aupin – esquí nòrdic e -snow.

Aué, diuendres 20 de gèr, auem hestejat ena escòla SANT VICENÇ (patron des estudiant e estudiantes).

Peth maitin auem hèt crespèths per classas en tot trabalhar eth tèxte instructiu (recèpta) e pera tarde toti auem hèt ua manualitat per grops internivèus: “era espasa transformada”.

Era manualitat tracte de transformar un simbèu de luta (coma en principi ei ua espasa) en un objècte o imatge polida e transformada. Atau coma Sant Vicenç lutaue de manera simbòlica entà que toti es mainatges e mainades auesquen accès ara alfabetizacion.