Ginys

Net de primauera

admin22/03/24  

Coma cada an acabam eth trimèstre en tot dromir ena escòla tamb toti es companhs e companhes. En arribar sopèrem pizza e ara seguida comencèrem uns jòcs e ues activitats peth bòsc  premanudes per Ramiro Aibar, en tot cercar desparièrs  gahusi e explicar es sues caracteristiques mès importantes.

Peth maitin, esdejoèrem e per grops premanirem  tamb chicolate era mona de Pasca. Quedèc bonissima!!

Passèrem un finau de trimèstre fòrça divertit e plen d’anecdòtes!

Dia de luges en Beret

admin12/03/24  

Eth dimars, 12 de març es escolans/es pugèren tà Beret tamb es sues luges  e tanben realizèren era activitat tamb es cans,en tot gaudir d’un petit trajècte fòrça emocionant e divertit. Siguec un dia plen de boni moments!

8M

admin08/03/24  

Er escolanat de Cicle superior dera escòla Ruda de Salardú an trabalhat un projècte de coeducacion per motiu deth dia dera “hemna trabalhadora”, tamb era finalitat de conciénciar ar escolanat ,e tota era comunitat educatiua, dera importància de contunhar luitant per un mon més inclusiu e igualitari a trauèrs deth respècte ara diuèrsitat de gènre.

Pendent aguestes dues setmanes de trabalh an realizat diuèrses activitats:

  • Comencèren tam ua pluja d’idees de qué ère entada eri e eres eth dia 8M e perqué se celebraue.
  • Contunhèren tamb un projècte d’investigacion en planes oficiaus entà endonviar des de quan se hestejaue e perqué.
  • A continuacion realicèren ua representacion teatrau de condes tradicionaus en tot analizar es ròls dera hemna des diuèrsi condes, a mès adaptèren es condes entà atíer ara diuèrsitat (escolanat nauvengut, escolanat tamb problèmes auditius…) en tot méter subtítuls en castelhan as condes.
  • Entà finalizar, coma activitat de cloenda, hèren un manifest que liegèren eth dia 8M as hemnes importantes dera sua vida (qu’auien convidat previament). Aguesta siguec ua jornada plan emotiua e especiau!

TERNUA

admin01/03/24  

Er escolanat de Cicle Superior  dera ZER an hèt ues practiques sus eth rescat per lauègi ena nhèu.

Eth diuendres 1 de març,  era equipa de “Ternua”  hec ua charrada de geologia ar escolanat peth geològ; ” Eñaut Izaguirre”,en tot meter-la en practica en Orri. A estat ua jornada plan interessanta!

ENFAUNA’T

admin29/02/24  

 

Era mainadèra d’Educacion Infantila e Cicle Iniciau an començat eth projècte; “ENFAUNA’T”, ua prepausa educatiua e participatiua tamb escolans/es de diferentes escòles des Pirinèus, tamb era collaboracion d’entitats deth territòri entà identificar per miei deth “fototrampeig” era fauna propèra ath centre educatiu e contribuir tamb eth seguiment de mamifèrs de Catalonha que realize eth grop Felis (ICHN). Mos ensenhèren coma foncione ua camerà e ara seguida la meterem ben amagada. Ja vos ensenharam quini animaus gessen enes imatges…   .

Minjaders e peades

admin14/02/24  

Ja auem tornat as gessudes entath bòsc! Pendent aguestes dues setmanes realizaram diuèrses activitats  tamb toti es escolans/es.

Aguest dimèrcles, era mainadèra d’Educacion Infantila e Cicle Iniciau an aprenut fòrça sus es peades des animaus tamb es agents de Mèdi Ambient.

Es escolans/es de Cicle Miei e Cicle Superior an hèt minjaders entàs audèths e les an deishat enes arbes entà que se poguen neurir.

Magràs 2024

admin09/02/24  

Eth dia 5 de hereuèr, arribèc eth Sr. Magràs ara escòla e cada maitin mos prepausaue vier disfrassadi tamb diuèrsi complements.

Eth diuendres, mos amasserem tamb es escòles dera ZER en Arties. Comencèrem ena escòla Loseron en tot hèr uns petits talhèrs de dances, esdejoèrem e hèrem era rua pes carrèrs deth pòble.

Ara tarde, passegèrem ath Sr. Magràs per Salardú e era mainadèra de Cicle Superior premanic eth judici e decidic qu’auie d’èster cremat.

Auem passat ua setmana plia de boni moments en tot arrir fòrça!