Es escolans e escolanes de cicle miei pendent eth prumèr trimèstre auem trabalhat eth projècte ” Dam sang e plasma, dam vida”. Gràcies ad aguest projècte auem aprenut fòrça causes restacades damb era sang e er aparelh circulatòri. Entre toti decidirem qu’eth nòste producte finau serie ua campanha de donacion de sang e plasma en Bossòst damb era ajuda dera Associacion de volontàries de donants de sang dera Val d’Aran e deth Banc de Sang e Teishits de Lhèida. Entà promòir era campanha bèri escolans/es anèrem entara ràdio de Vielha a on mos entrevisteren e podérem cantar un trocet deth rap que creerem en airau de musica e deth quau podetz veir eth videoclip en tot clicar en aguest ENLAÇ. Tanben realizerem un concurs de pannèus publicitaris entre es quaus eth Banc de Sang e Teishits decidic eth guanhador que serie damb eth que haríem difusion dera campanha. Eth pannèu guanhador siguèc eth que trapatz a contunhacion:
Ager siguec eth gran dia, era nòsta campanha ère ua realitat! Pendent era tarde anèrem recebent donants e donantes mentre complíem es diuèrses foncions que comportauen era gestion dera campanha: recéber as donants/es en tot balhar-les es formularis, aufrir-les un refrigeri en acabar, realizar un petit qüestionari entà préner donades, balhar-les un present e hèr-les ua fòto de recòrd. Pendent es setmanes anteriores anèrem tàs comèrci de Bossòst en tot demanar era collaboracion entà bastir ua cistalha que sortejaríem aguest dia. Damb tot çò qu’arremassèrem podérem montar dues cistalhes e a cada participant dera campanha li dèrem un numèro entà que participèsse com obsèqui pera sua collaboracion.
Èm fòrça contenti damb era participacion qu’auem recebut en tot compdar damb 67 donacions des quaus 26 persones son naui donants. Arregraïm era collaboracion des vesins e vesies dera Val d’Aran, sustot as de Bossòst que sigueren era màger part de participants.
Aciu vos deisham un petit recuelh de fòtos dera campanha:
