Era Xarxa Competéncies Basiques ei un projècte d’innovacion, composat per ua equipa de mèstres d’educacion infantila, primaria e educacion segondaria que desvolopen eth trabalh per competéncies en sòns centres. Creen airines de supòrt entà orientar es procèssi de reflexion e gestion deth curriculum e es procèssi d’autoavaloracion.
QUÉ HÈM?
Fomentam er intercambi d’experiéncies e era creacion de sabers compartidi. Compartim un modèu de formacion docenta entre egals e en “hilat”, entà milhorar es aprendissatges der escolanat.
PERQUÉ AC HÈM?
- Perque volem favorir que tot er escolanat aprengue mès e milhor.
- Perque creiguem qu’er escolan a d’èster eth protagonista deth sòn aprendissatge.
- Perque entenem era avaloracion coma un procès que favorís es aprendissatges.
- Perque sabem que quan trabalham en equip s’aprén mès e milhor.
- Perque en un mon cambiant, volem promòir era iniciativa e era creativitat e eth gust per apréner.
- Perque volem qu’es nòsti escolans siguen competenti entà contunhar aprenent ath long de tota era vida.
- Perque sabem que cada escolan/a ei unic e auem nautes espectatives entà cada un d’eri.
COMA AC HÈM?
- Trabalham cooperativament.
- Documentam es ahèrs entà compartir-los e evidenciar es milhores e es rèptes.
- Participam toti e compartim coneishements e experiéncies.
- Reflexionam e trabalham en hilat.
- Hèm cambis petiti, mès permanents e sostenibles.
Aciu auetz er enlaç que vos portarà tara plana dera XarxaCb a on traparatz mès informacion:
http://xtec.gencat.cat/ca/curriculum/xarxacb
Aciu auetz uns exemples d’instruments d’avaloracion qu’emplegam entà regular eth procés d’aprendissatge: ua base d’orientacion e ua rubrica.
