Aguest cors entà celebrar eth Dia Internacionau Escolar dera Non Violéncia e dera Patz, ena escòla auem amanit bères activitats.
Per un costat, de manèra simbolica, era mainadèra a baishat tath pati damb un drapèu blanc ena man entà representar era trèva, eth cès e/o es negociacions pacifiques des guèrres des que tant mos parlen es informatius. Entà amassar-nos ath hastag #DrapèusBlanqui des hilats sociaus.
Per un aute costat, an recitat era poesia de Joana Raspall titolada “Podries”, an cantat “Jo voi era patz” e “La festa de la pau”, e an encolat (per cicles) uns lèmes allusius en tot reivindicar eth dret a víuer en patz.
De manèra mès practica, auem rebrembat era importància de seguir en tot emplegar eth dialòg enes classes, enes colidors e en pati entà resòlver es petiti conflictes dera vida vidanta. E atau hèr era nòsta petita contribucion tara patz en mon.
