Eth passat diuendres mos visitèc ena escòla ua scientifica laguens deth programa #100tifiques, que vò promòir es mestièrs scientifics entre er escolanat.
Mos visitèc Clara Vilches Caubet, biotecnologa que trabalhe en ICFO (Institut de Ciències Fotòniques), en tot realizar ua recèrca sus com es particules d’òr e era lum se pòden combinar entà eliminar o redusir tumors cancerigens.
Er escolanat de cicle superior se mostrèc fòrça atent e encoriosit per tot aquerò que les condaue Clara, per saber com avançaue era recèrca damb arrats e quan se poderie començar a aplicar aguesta tecnica en persones.
Dempús dera conferéncia, realizèrem ua practica entà comprovar qu’a mès area superficial mès lòc entà méter medicament.
Ua tarde interessanta, diferenta e profitosa a on aprenerem en tot escotar e manipular. Gràcies Clara pera tua facilitat entà apropar ar escolanat eth tòn trabalh.
Aciu vos deisham quauques fotografies.
