Eth tractament integrat de lengües (TIL) ei ua prepausa metodologica basada en enfocament comunicatiu der ensenhament e er aprendissatge des diuèrses lengües curriculares que s’impartissen en centre. Prepause un trabalh collaboratiu entre eth professorat de totes es lengües dera escòla a compdar de toti es elements que compartissen, facilite eth desvolopament competenciau der escolanat e promò un aprendissatge actiu, mès pregond e significatiu, veïculat a trauès de totes es lengües.
Aguest enfocament promò tanben era reflexion metalingüistica conscient per part dera mainadèra e eth contrast entre formes lingüistiques. Aquerò favorís un aprendissatge mès interrelacionat entre totes es lengües e airaus.
Aplicar aguest enfocament ena aula implique trabalhar encastres comuns des lengües (concèptes generaus sus es lengües, procediments e abitudes de reflexion lingüistica, actituds de respècte e valoracion, etc.) des de quinsevolh lengua. Talaments, signifique amiar ua coeréncia metodologica, en sentit que totes es lengües s’ensenharàn des d’ua metodologia comuna e orientada tar emplec.
