Benvengudes familhes,
Voi compartir tamb vosati e vosates aguesta noticia que retransmiteren en InfoK eth dia 4 de hereuèr. Mos parle de quate esquiròls vermelhs orfes qu´an estat rescatadi, escotatz aguesta trendre istòria. Finauments, es Agents Ruraus les an portadi a un centre de recuperacion d’animaus entà alimentar-les e ensenhar-les a subervíuer, tà dempús deishar-los en libertat.
Demori que vos agradi!!!
Aué se celebre eth Dia Mondial dera Educacion
Aguest an eth tèma principau ei recuperar e
revitalizar era educacion entara generacion COVID-19.
Pendent eth confinament pera pandemia de COVID-19 qu’a afectat en mon entièr, era educacion a estat un des aspèctes mès afectadi, donques que milions de mainatges… Llegeix més»
Es taps solidàris son ua iniciatiua que melhore eth Miei Ambient pr’amor qu’arrecuelh un tipe de plastic fòrça adequat entà èster reciclat e, ath delà, servís pr’amor que bèra causa solidària vage tà deuant. Vos prepausam, des dera Escòla Verda, qu´ajudam pendent tot eth cors… Llegeix més»
Era nòsta escòla aguest cors 2020-2021 torne a participar en Plan de consum de fruta ena escòla e mos hè fòrça erosi poder hèr part un aute còp, damb eth lèma:
Ena escòla, as amics INSUBSTITUÏBLES!!
Aguest plan consistís a distribuïr gratuïtaments fruta fresca as… Llegeix més»
Òla familhes,
Eth passat 20 d´octobre gesserem dera escòla tamb fòrça ganes de descorbir es cornèrs deth nòste paratge naturau mès pròplèu, era montanha de Mont-romies. Caminèrem, esdejoèrem e vedèrem misharnons, rosèrs, cargòlhs… Agarrèrem huelhes de colors tà dempús ena escòla hèr un talhèr d´estampacion e,… Llegeix més»
Dia dedicat as animaus e a totes es persones que diariament dediquen eth sòn temps e energia a protegir-les. Eth hestivau Mondial des Animaus se remet ar an 1931 quan, per iniciatiua d’un grop d’ecologista en defensa des espècies en perilh d’extincion, s’impulsèc aguest… Llegeix més»
Aué se celebre eth dia Mondiau deth Medi Ambient.
Aguest an eth tèma principau ei era Biodiversitat
Ena actualitat viuem moments excepcionaus qu’era natura mos envie un messatge d’alèrte. Es aliments que minjam, er aire que respiram, era aigua que beuem e eth clima que hèn abitable eth nòste planeta provien d’era. Auem un milion d’espècies de plantes e animaus en perilh d’escandilhament.
Vos convidi a cantar aguesta cançon en tot coincidir damb eth dia Mondiau deth Medi Ambient.
Cantam “No ens desdibuixeu”
Eth deluns 18 de mai s´estrenèc ath Club Super3 “Objectiu 2030“, un espaci que incidís enes 17 Objectius de Desvolopament Sostenible (ODS) impulsadi per ONU. Es capítols s’emeteràn de deluns a diuendres e se poderàn tornar a veir er endeman der estrene, tas 10.20. Eth programa ei presentat per dus mèstres de primària, Joan Cerida e Rita Morres. Podetz veir toti es sòns capítols ara web deth Super3
Ací vos deishi eth prumèr capítol…
Òla familhes,
Ací auetz mès prepauses per s’auetz moments d’engüeg!
Cuidatz-vos fòrça!!!
Aguest Dia Mondiau deth Reciclatge, declarat pera UNESCO, ei un eveniment que convide ara reflexion entorn des residus, rebrembar era estrategia de Redusir, Reutilizar, Reciclar e era importància d’ua bona gestion.
A trauès deth reciclatge, es residus vien recorsi se les recuperam mejançant es sistèmes de recuelhuda selectiva.
Cada còp que reciclem contribuïm ara melhora deth miei ambient, en tot evitar era acumulacion de residus e en tot alongar era vida utila des materiaus. Ath madeish temps, estauviam recorsi naturaus, matèries prumères e energia, e en tot redusir es emissions de CO2 qu’agraven ath cambiament climatic.
Rebrembatz qu´es residus son recorsi!
Damb motiu dera celebracion deth dia Mondiau deth Reciclatge m´agradarie compartir damb vosati e vosates un jòc interactiu tà apréner a reciclar e revisar s´ac hès ben. T´animes!!!!
Jòc interactiu ” Es petits revolucionaris” (Jòc damb tecnologia FLASH)
