Era nòsta escòla aguest cors 2020-2021 torne a participar en Plan de consum de fruta ena escòla e mos hè fòrça erosi poder hèr part un aute còp, damb eth lèma:
Ena escòla, as amics INSUBSTITUÏBLES!! 
Aguest plan consistís a distribuïr gratuïtaments fruta fresca as escolans. Era fin ei promòir eth consum de frutes e ortalécies entre era poblacion escolara e contribuïr ara promocion d’abituds de consum saludables.
Ei ua iniciatiua dera Union Europea qu’en casa nòsta se hè efectiua mejançant ua accion coordinada deth Departament d’Agricultura, eth de Salut e eth d’Educacion, dera Generalitat de Catalonha.
Pròplèuments, ua setmana de cada mes mos portaràn ena escòla fruta seleccionada en foncion dera sason der an. Era fruta se repartirà as mainatges e mainades de tota era escòla tà esdejoar. Aguesta ei ua des accions laguens d´aute projècte qu’auem d’Escòles Verdes.
Coma ja sabetz, aguesti dies non cau qu’es vòsti hilhs e hilhes pòrten arren mès entà esdejoar. Se vos avisarà peth miei dera agenda.
Quan era empresa distribuidoira mos confirmi es dates concrètes de cada setmana ac actualizaram:
Eth calendari de frutes per aguest cors escolar serà eth següent:
- NOVEME – Dimars 24 –: Mandarina, Poma Golden, Arradim, Poma bicolor addicionau aportada per Afrucat.
- GÈR- Dimars 19: Pera, Mandarina, Poma Golden.
- HEREUÈR- Dimars 9: Plàtan, Pera Conference e Iranja.
- MARÇ- Dimars 9: Poma Vermelha/bicolor, Iranja, Pera addicionau aportada per Afrucat.
- ABRIU- Dimars 20: Poma, Cirerol, Pera
- MAI- Dimars 18: Cerida, Pera addicionau aportada per Afrucat, Poma addicionau aportada per Afrucat.
- JUNH- Dimars 8: Nectarina, Persec, Albercoc.
I pòt auer cambis de fruta entre es mesi deth trimèstre, tostemp damb era fin d’aportar era maxima qualitat enes frutes que se repartissen cada mes.
Rebrembatz tanben que pendent tot eth cors eth dimèrcles ei eth dia dera fruta ena escòla e per açò recomanam qu’aguest dia se pòrte entà esdejoar ua pèça de fruta.
Ací trobaratz mès informacion sus alimentacion e sus era campanha, ara plana oficiau dera Generalitat de Catalunya.
