Agèr ena escòla commemonèrem eth Dia Mondiau der Aigua. Es nòsti mainatges e mainades de primària, an estat reportaires per un dia e, an gessut as carrèrs deth pòble tà preguntar as vesins qué significaue er aigua. Es vesins an participat fòrça e, an compartit tamb nosati e nosates quin ei eth valor der aigua. Viktor, Edgar e Candela an hèt un gran trabalh en equip, an preguntat e an enregistrat es responses. Un còp recuelhudes es informacions, ena classa an elaborat un mapa conceptuau, a on podetz veir, coma avaloren er aigua es persones qu´an participat ena activitat. A estat una experiéncia unica tà eri e, an arribat ara conclusion que, tamb es aportacions des persones, qu´eth valor der aigua ei fòrça més qu´eth sòn pretz: a un valor enorme e tanben essenciau tas nòstes cases, tara vida, tara salut, tath nòste entorn naturau… e sustot que cau conservar-lo e cuedar-lo.
Vos convidam a compartir tamb toti, es vòstes avaloracions sus qué signifique er aigua tà vosati e vosates. Podetz deishar es vòsti comentaris dejós dera presentacion.
