Es escolans e escolanes de Cicle Miei estam trabalhant era donacion de sang e tot çò qu’a de veir damb aguest tèma. Dempús de liéger ua lectura a on ua mainada descorbís que non li pòt donar sang ath sòn audèth, mos apareishen un pialèr de dobtes relacionadi. Perqué non podem donar sang as animaus? Quini son es sòns grops sanguinis? Coincidissen damb es nòsti? Es animaus pòden èster donants de sang? I a un banc de sang d’animaus?… Dauant de toti aguesti dobtes, decidim visitar era clinica veterinària Aran en Vielha entà cercar es responses as nòstes preguntes.
Aquiu, Carmen e Cesc an dat responsa a totes es nòstes preguntes e mos an ensenhat com foncionen es transfusions de sang, e quini aparelhs empleguen. A mès, mos an balhat un pialèr d’informacion sus es grops sanguinis des animaus e sus es donacions de sang d’aguesti.
Entà acabar, auem coneishut a Coldo, un can qu’adoptèc ua des trabalhadores dera clinica veterinària, e mos an hèt ua visita pes zònes que non auiem vist coma eth quiròfan o era sala de rai X.
Fòrça gràcies pera vòsta atencion, a estat un dia plan divertit e auem aprenut fòrça causes naues! Aciu vos deisham un petit recuelh de fòtos dera nòsta visita.
