Ginys

Artenhem es ODS per miei de prepauses STEAM!

Santròcbossost13/04/21  

Promòir era sostenibilitat e sensibilitat peth miei ambient e er entorn naturau ei ua prioritat ena nòsta escòla e ac volem arténher per miei d’un modeu d’Escòla Verda  en tot fomentar era implicacion dera comunitat educativa.

Aguesta implicacion damb eth desvolupament sostenible mos hè a trabalhar es Objectius mercadi ena “Agenda 2030” pera Assemblea Generau des Nacions Unides, basadi en acabar damb era pobresa, luitar contra era desigualtat  e era injustícia, e frenar eth cambi climatic, entre d’auti.

Es escolans de Cicle Superior an participat en en ua prepausa de trabalh des ODS per miei des “STEAM tools”, es quaus permeten promòir eth desvolupament de vocacions cientifiques i tecnologiques.

Er Objectiu de desvolupament sostenible qu’auem trebalhat ei er “ODS 7: energia assequible e non contaminant”, basat en garantir er accés ua energia assequible, segura, sosenibla e moderna entà totes es persones.

Vos deisham ua mòstra deth trabalh hèt!

 

 

Érika Solé Peremartí artenh eth pas ara finau territoriau!

Santròcbossost13/04/21  

Érika Solé e Pau Codina, sigueren es escuelhudi coma representants entà  participar enes semifinaus deth XVII Certamen de Lectura en Veu Alta.

Dempús d’ua finau fòrça disputada, a on era eleccion a estat plan dificila, Érika Solé  a estat era seleccionada entre es escolans dera Ribagorça e Aran. Açò le da er accés entà passar ara fasa finau territoriau laguens dera categoria  “Grumets vermelhs”.

En cicle superior, ena categoria “Grumets verds”e  tot e  hèr ua bona lectura,  Pau Codina non a artenhut eth pas ara finau. Fòrça ben Pau!!!

Érika, te desiram tota era sòrt deth mon ena propèra etapa deth Certamen, era finau territoriau. Ànims!!

CONEISHEM CATALONHA PER MIEI DES EMPRENEDORS E ES SECTORS ECONOMICS

Santròcbossost04/03/21  

Era nòsta participacion en programa LEADER per miei dera aventura FER, mos permet trabalhar e desvelhar eth talent emprenedor, era creativitat e era capacitat d’innovar deth nòste escolanat e per tan fomentar era confidança en eri madeishi, eth pensament critic e era capacitat de resòlver problèmes e aqueri naui rèptes que mos prepausam.
Per miei, dera mapa FER es escolans coneisheràn aqueres empreseses e emprenedors/es deth territòri catalan. Ath madeish temps podem introdusir es sectors economics e es parçans en Cicle Miei.
Ua activitat fòrça polida que tamben ajude a desvolupar eth pensament computacionau!

Hèsta de Magràs

Santròcbossost16/02/21  

Aué auem celebrat era “Hèsta de Magràs” ena escòla. Ues des activitats realizades son es visualizacions deth judici deth Senhor Magràs, premanit pes escolans/es de 6au e damb era collaboracion de bèra mainadèra de toti es cicles e era representacion en francés de “Le Monstre de couleurs”.

Aciu vos deisham es enlaci entà que la poguesquetz gaudir.

Judici deth Senhor Magràs


 “Le Monstre de couleurs”

 

 

 

ADIU 2020!!

mcerezue05/01/21  

Eth deluns 21 de deseme acomiadèrem eth prumèr trimèstre abantes des vacances de Nadau. Es grani dera escòla incorporèren er amic invisible ( intercambi de presents anonims entre amics, familiars o compahs ) e es petiti conservèren era tradicion de hèr a cagar era tronca. Tradicion tanben celebrada en Aragon (tronca de Nadal), en Galicia (tizón do Nadal), en Occitania (Cachafuòc, Cachofio o Soc de Nadal) e en Regne Unit ( yule log).
Tar an que ven!!
… Llegeix més»

Era postau de Nadau!

Santròcbossost18/12/20  

En arribar es hèstes de Nadau, es escolans e escolanes dera nòsta escòla, premanissen eth diboish qu’acompanharà era postau de Nadau qu’envie era Ajuntament entà desirar es bones hèstes.

Eth passat dimars, dia 15 de deseme, un jurat format peth Sr. baile, dos còssos der ajuntament e un membre dera AFA, escuelheren es dus diboishi finalistes e eth diboish guanhador. Aprofitam entà arregraïr era iniciativa per part der ajuntament.

Eth diboish escuelhut ei eth der escolan PÒL GARCIA MÒGA de Cicle Iniciau. Felicitats!!!

Es auti dus finalistes an estat Victoria Ricaldi Ochoa de Cicle Miei e Mariana Sofia Dias Fernandes de Cicle Superior.

Arregraïment ar AFA!

Santròcbossost18/12/20  

Eth passat 14 de deseme, era AFA gessent dera nòsta escòla mòs hèc entrega d’ua dotacion de materiau tecnologic e didactic entàs escolans e escolanes. Aguest materiau complementarà eth procès d’ensenhament aprendissatge der escolanat en tot milhorar es sues competéncies.

Volem arregraïr eth sòn esfòrç e dedicacion pendent aguesti quate ans!

Aprofitam, tanben, entà dar era benvenguda as membres dera naua AFA.

Gloria Fuertes

Santròcbossost06/11/20  

Gloria Fuertes
Pendent aguest trimèstre vam a conéisher ara escrivana Gloria Fuertes.

E es sues òbres, que son fòrça avientes entara mainadèra.

Auem creat un cornèr ena escòla dedicat ara escrivana e as sues òbres.

E se voletz saber mès vos deishem ua infografia