Ginys

Era postau de Nadau!

Santròcbossost18/12/20  

En arribar es hèstes de Nadau, es escolans e escolanes dera nòsta escòla, premanissen eth diboish qu’acompanharà era postau de Nadau qu’envie era Ajuntament entà desirar es bones hèstes.

Eth passat dimars, dia 15 de deseme, un jurat format peth Sr. baile, dos còssos der ajuntament e un membre dera AFA, escuelheren es dus diboishi finalistes e eth diboish guanhador. Aprofitam entà arregraïr era iniciativa per part der ajuntament.

Eth diboish escuelhut ei eth der escolan PÒL GARCIA MÒGA de Cicle Iniciau. Felicitats!!!

Es auti dus finalistes an estat Victoria Ricaldi Ochoa de Cicle Miei e Mariana Sofia Dias Fernandes de Cicle Superior.

Arregraïment ar AFA!

Santròcbossost18/12/20  

Eth passat 14 de deseme, era AFA gessent dera nòsta escòla mòs hèc entrega d’ua dotacion de materiau tecnologic e didactic entàs escolans e escolanes. Aguest materiau complementarà eth procès d’ensenhament aprendissatge der escolanat en tot milhorar es sues competéncies.

Volem arregraïr eth sòn esfòrç e dedicacion pendent aguesti quate ans!

Aprofitam, tanben, entà dar era benvenguda as membres dera naua AFA.

Gloria Fuertes

Santròcbossost06/11/20  

Gloria Fuertes
Pendent aguest trimèstre vam a conéisher ara escrivana Gloria Fuertes.

E es sues òbres, que son fòrça avientes entara mainadèra.

Auem creat un cornèr ena escòla dedicat ara escrivana e as sues òbres.

E se voletz saber mès vos deishem ua infografia

 

SETMANA BIODIGITAU ENA ESCÒLA

Santròcbossost15/10/20  

Pendent aguesti dies, tota era mainadèra dera escòla, des mès grani enquias mès petiti auem trabalhat era setmana Biodigital en tot fomentar es valors sostenibles e aprigondir en trabalh dera  competéncia digitau en cinc linhes: Gsuite/chromebook, pensament computacionau, gamificacion d´aula, STEM e contenguts digitaus curriculars.
De… Llegeix més»

Amassades Telematiques Familhes

Santròcbossost04/09/20  
Educacion Infantila (P3, P4 e P5) Deluns 7 de seteme         18:00 ores (Meet)
Cicle Miei (3au e 4au) Deluns 7 de seteme         19:00 ores (Meet)
Cicle Iniciau (1èr e 2au) Dimars 8 de seteme         18:00 ores (Meet)
Cicle Superior (5au e 6au) Dimars 8 de seteme         19:00 ores (Meet)

Qué trabalham en Educacion Infantila??

mcerezue09/03/20  

Era mainadèra d’Educacion Infantila, pendent aguest dusau trimèstre, trabalham eth projècte ETH RIU GARONA de manèra conjunta damb tota era escòla. Forme part d’un des projèctes d’Apairinament deth nòste entorn.

Aguest tèma serà eth hiu conductor enes diuèrsi airaus damb activitats que les conviden a investigar e experimentar.

Aguestes son bères ues des prepauses:

  •  Experimentaram damb era aigua entà conéisher es propietats sensoriaus.
  • Jogaram damb era aigua en tot hèr trasvassaments entà trabalhar era capacitat e eth pes des objèctes que i calaram.
  • Estudiaram eth cicle dera aigua que responerà ara pregunta d’on ven era aigua deth riu.
  • Descurbiram bèri animaus e plantes deth bòsc de ribèra.
  • Coneisheram es diuèrses teories deth neishement deth Garona, eth sòn recorrut, pòbles per on passe e principaus afluents.
  • A trauès des gessudes e des visites des professionaus, entraram en contacte damb es disparières activitats que se pòden practicar en riu.
  • Preneram consciéncia deth bon aprofitament dera aigua e dera conservacion deth riu.
  • Apreneram cançons, frases hètes, arrepervèris, redonets, endonvietes, condes,….enes diferents lengües.
  • E tanben es emocions que mos desvelhe escotar era aigua en tot córrer.