Ginys

Musèu de Vielha!

Santròcbossost29/01/19  

Ua auta activitat enmarcada en projècte “Artistes deth passat”, siguec era visita ath museu dera Val d´Aran, eth passat 24 de gèr. Maugrat era nheu queiguda, i podèrem arribar. Era guida mos premanic un talhèr sus era civilizacion romana e era sua influéncia ena Val… Llegeix més»

Projècte “Es cargòlhs!”

Santròcbossost29/01/19  

Pendent eth prumèr trimèstre auem descubèrt coma viuen es cargòlhs. Sabietz qu´aguest animau ei un invertebrat que forme part deth grop des molluscs?…. Auem montat un terrari entà representar eth sòn mèdi e, per grops, auem observat diariament eth sòn comportament. Fin finau, auem elaborat un murau damb es nòstes conclusions e les auem expausat oraument as auti corsi!!

LUM E COLOR EN P3

mforment27/01/19  

Qué divertit ei experimentar damb era lum e es colors!

Auem passat ua bona tarde investigant e experimentant damb es colors ena nòsta taula de lum.

Tanben auem observat eth nòste entorn a trauès de filtres de diuèrsi colors.

Concors dera postau de nadau

Santròcbossost20/12/18  

Eth passat dia 11 celebrèrem eth concurs des Postaus de Nadau ena escòla. Era postau guanhadora serà era qu’emplegarà er Ajuntament de Bossòst entà felicitar es Hèstes a toti es vesins deth pòble.

Eth jurat siguec compausat per:

– Sara Magallón Zagalá (licenciada en belhes arts e professora de pintura).

– Quique Pedraza Martínez (dissenhador grafic).

– Amador Marqués Atés (baile der Ajuntament).

Dempús d’un long debat, pr’amor que toti es diboishi èren plan originaus, escuelheren tres finalistes, un de cada cicle:

 FELICITAM A TOTI ES PARTICIPANTS!!!!!!!       

Eth Personatge Misteriós

mforment05/12/18  

Era comission dera Bibliotèca a premanit entà vosati un jòc fòrça divertit “Eth personatge misteriós”.
Eth jòc consistís en endonviar qui ei eth personatge a compdar des pistes que penjaram ena Bibliotèca e tanben en blòg .
I a dues categories, ua tà Infantila e C.Iniciau e ua auta tà C.Miei e Superior.
Durant eth cors vos anaram presentant un totau de 5 personatges.
E tà cada un d’eri, pendent ua setmana penjaram cada dia ua pista, qu’anaram higent as anteriors. Seràn cinc pistes tà cada personatge.
Un còp se sap era solucion s’a de ramplir era papereta que traparatz ena bibliotèca e introdusir-la ena boèta deth jòc.
Solet se pòt votar un còp tà cada personatge.
Quan abans endonvies era respòsta mès punts guanharàs:
   Pista 1: 5 punts
   Pista 2: 4 punts
   Pista 3: 3 punts
   Pista 4: 2 punts
   Pista 5: 1 punt
Vos daram un carnet a on poiratz encolar es imatges des personatges qu’auetz endonviat e era puntuacion qu’auetz obtengut.
Tà finau de cors, era comission dera bibliotèca entregarà un diplòma as escolans qu’agen endonviat mès personatges e un aute as qu’agen artenhut mès punts.
Eth nòste prumèr Personatge Misteriós començarà eth deluns 10 de deseme.

                        ANIMA-TE E PARTICIPA!!!