Es escolans e escolanes de cicle miei e superior dera nòsta escòla an visitat eth Piribus: ua exposicion itineranta que viatge per tot eth Pirinèu entà mostrar diuèrsi aspèctes dera vida en un territòri qu’a fòrça punts en comun.
Er objectiu ei sensibilizar ara populacion des Pirinèus damb ua uelhada sostenibla entath territòri e dar-li valor ara identitat comun, ath sòn patrimòni e refortilhar era cooperacion entre es diuèrsi parçans.
Era mainadèra a pogut experimentar damb es activitats interactives sus es diuèrses lengües; eth pas deth temps e, es cambis enes costums; era natura e geologia; e tanben es espècies que viuen en mèdi (autoctònes, invasores e en perilh d’extincion).