Pendent era setmana deth 13 ath 17 de mai, auem organizat era Setmana Steam: deluns sciéncia, dimars tecnologia, dimèrcles engenharia e art, dijaus Pòrtes Dubèrtes e diuendres matematiques.
Deluns venguec ua mair entà hèr er experiment de Fluïd non newtonian. E dempús era mainadèra investiguèc en tot heiregar eth glòbe coma aguest se cargaue negativament e atrapaue es confèti dera taula. Ara seguida, trabalhèren damb es imans entà comprovar coma actuen es cargues positives e negatives.
Entà acabar, sagèren de veir qué passaue en méter ua moneda dejós d’un vasso vuet e plen d’aigua. En prumèr cas, era monèda se ve perfèctament e, en dusau cas, era monèda desapareish. Era explicacion ei era direccion dera lum e eth sòn reflèxe.
Dimars cornèrs damb materiuau de robotica: Bee-bot, Blue bot, tablets,Tale bot e m-Tiny. En tot hèr-les a descorbir eth mon dera tecnologia dera programacion de manèra ludica.
Ena tarde, Miki venguec a acabar era elaboracion que comencèrem ena Setmana Bio. En prumèr trimèstre fabriquèren pomada d’arnica. E ara, dempús de deishar uns mesi, er òli damb era flor dera arnica, produsirèn òli d’arnica.
Dimèrcles arribèc eth moment d’experimentar damb es figures, còssi geometrics, escuradents, espagueti e plastilina entà bastir ( formes en 2D e 3D) segontes eth modèu o liurement.
Dijaus, Pòrtes Dubèrtes. Recebem e compartim era era tarde damb es nòstes familhes e amics.
E fin finau, diuendres, despedim era setmana damb era maleta matematica deth CRP e materiaus dera escòla de : compdatge, numeracion, sudokus,escaquèr, calcul mentau,eca
Fòrça gràcies as persones qu’ an collaborat damb nosati e era mainadèra.
