Eth passat 10 d’octobre, uns escolans e escolanes representants des classes de 4au, 5au e 6au anèren tà Barcelona entà participar ena prumèra Jornada Dialògs 2030.
Er objectiu d’aguesta jornada ei generar un dialòg entre es escolans/es de tota Catalonha que pogue ajudar a respóner es rèptes deth mon, en tot contribuïr ar aqueriment des ODS e promòir compromisi e accions qu’ac hèsquen possible, en tot portar aguestes iniciatives as escòles deth territòri.
Es escolans/es despartits en disparièrs grops dialoguèren en foncion de tres preguntes:
- Qué mos cau contunhar hènt?
- Qué mos cau deishar de hèr?
- Qué cau reinventar de forma creativa?
Ath finau dera jornada, poderen recuélher es sues conclusions entà compartir-les ena escòla damb era rèsta de companhs/es.
