Aguesta tarde auem recebut era visita de Luisa, presidenta dera Associacion de Donants de Sang dera Val d’Aran, e de Montse, volontària d’aguest collectiu.
Mos an presentat aguesta associacion sense ànim de lucre e mos an explicat tot eth procès que compòrte era realizacion d’ua campanha. Tanben mos an mostrat damb imatges eth recorrut d’ua bossa de sang enquia qu’arribe ath Banc de Sang e Teixits.
Entà acabar les auem hèt ua petita entrevista entà coneisher-les milhor e resòlver es dobtes qu’auíem e que mos an sorgit entà realizar era nòsta campanha de donacion de sang, que serà eth deluns 29 de gèr des 15:00 enquiàs 19:00 ores en Bossòst. Mès endauant vos balharam mès informacion.
Fòrça gràcies Montse e Luisa peth vòste temps e peth present que mos auetz hèt.
