Ena educacion infantila ja hè uns ans que trabalhauen per ambients d’aprendissatge. Aguest cors era mainadèra de cicle iniciau s’a hijut ad aguesta metodologia, en tot trabalhar en grops internivèus es diuèrsi espacis. Era finalitat des ambients ei promòir qu’es alumnes siguen protagonistes deth sòn procès d’aprendissatge, un ambient que sigue estimulador, creatiu e participatiu on es mainatges e mainades actuen, mès tanben reflexionen sus era pròpria accion des d’ua posicion activa e competent e que possibilite era comunicacion e era trobada damb es persones que i participen.
Aciu auetz ua petita mòstra des nòsti ambients: construccion, restaurant, digitau e scientific. Era mainadèra mòstre es sues aptituds, coneishements e ganes d’apréner, mentre es mèstres supervisen eth procès en tot intervier sonque quan ei de besonh.