Pendent eth prumèr trimèstre er escolanat de cicle superior recebec un rèpte de mans dera Magnifica Sindica d’Aran: promòir e difóner er aranés, e per tan, parlar-le, ja qu’era lengua cada viatge a mens parlants.
Es escolans/es èren fòrça motivadi e pensèren en diuèrses formes entà promòir e difóner era lengua. Dempús de dies de reflexion, decidiren que podien bastir ua APP damb diuèrsi materius en aranés, entà qu’era lengua siguesse presenta enes hilats e se poguesse consultar en quinsevolh lòc dera planeta.
Atau ei com comencèc aguesta aventura. Damb era collaboracion dera fundacion “Creativation Challenge” aprenerem a emplegar eth programa CODE, que foncione damb lenguatge de programacion e mos a permès ampliar es nòsti coneishements en aguest sens. Aguesta serie era airina entà bastir era nòsta APP.
Aciu vos deisham eth nòste resultat. Aguesta APP, hèta pera mainadèra. Ei eth nòste granet de sable ena promocion e difosion dera lengua. Credem que damb aguesta aportacion, es mainatges e mainades comencen a èster conscienti de que tà qu’era lengua non se pèrde, çò mès important ei parlar-la.
Clicatz en còdi QR entà poder veir era APP. Tanben vos deisham un vidèu deth procès. Demoram que vos shaute!
