Concors dera postau de nadau

Santròcbossost20/12/18  

Eth passat dia 11 celebrèrem eth concurs des Postaus de Nadau ena escòla. Era postau guanhadora serà era qu’emplegarà er Ajuntament de Bossòst entà felicitar es Hèstes a toti es vesins deth pòble.

Eth jurat siguec compausat per:

– Sara Magallón Zagalá (licenciada en belhes arts e professora de pintura).

– Quique Pedraza Martínez (dissenhador grafic).

– Amador Marqués Atés (baile der Ajuntament).

Dempús d’un long debat, pr’amor que toti es diboishi èren plan originaus, escuelheren tres finalistes, un de cada cicle:

 FELICITAM A TOTI ES PARTICIPANTS!!!!!!!       

Començam eth jòc

mforment10/12/18  

Començam damb eth nòste prumèr Personatge Misteriós.

Cada dia i aurà ua Pista mès. Qui l’endonvie abans mès punts aurà.

PISTA 1:           SÒ UN SHINHAU TRACASIÈR. PISTA 1: Sò un mainatge praube que viui en ua caseta de husta enes entorns d’ua grana ciutat.
PISTA 2:           ETH MÈN AMIC EI UN GRILH. PISTA 2: Conseguisqui un bilhet daurat que me permitís visitar un lòc
PISTA 3:           È ETH CÒS DE HUSTA. PISTA 3: I a quate personatges mès que tanben an un bilhet daurat coma jo e tanben hèn era visita.
PISTA 4:           SOENT DIGUI MENTIDES. PISTA 4: Me quedi solet hèn era visita ja qu’es auti quate personatges non s’an comportat correctament.
PISTA 5:         UA ADA ME CONVERTÍS EN MAINATGE. PISTA 5: Coma premi finau me regalen era fabrica de chicolate
ETH PERSONATGE MISTERIÓS EI…  PINÒCHO ETH PERSONATGE MISTERIÓS EI…  CHARLEI (CHARLEI I LA FÀBRICA DE XOCOLATA)

Se vos liéger aguesti libres, vene a cercar-les ara nòsta Bibliotèca

Eth Personatge Misteriós

mforment05/12/18  

Era comission dera Bibliotèca a premanit entà vosati un jòc fòrça divertit “Eth personatge misteriós”.
Eth jòc consistís en endonviar qui ei eth personatge a compdar des pistes que penjaram ena Bibliotèca e tanben en blòg .
I a dues categories, ua tà Infantila e C.Iniciau e ua auta tà C.Miei e Superior.
Durant eth cors vos anaram presentant un totau de 5 personatges.
E tà cada un d’eri, pendent ua setmana penjaram cada dia ua pista, qu’anaram higent as anteriors. Seràn cinc pistes tà cada personatge.
Un còp se sap era solucion s’a de ramplir era papereta que traparatz ena bibliotèca e introdusir-la ena boèta deth jòc.
Solet se pòt votar un còp tà cada personatge.
Quan abans endonvies era respòsta mès punts guanharàs:
   Pista 1: 5 punts
   Pista 2: 4 punts
   Pista 3: 3 punts
   Pista 4: 2 punts
   Pista 5: 1 punt
Vos daram un carnet a on poiratz encolar es imatges des personatges qu’auetz endonviat e era puntuacion qu’auetz obtengut.
Tà finau de cors, era comission dera bibliotèca entregarà un diplòma as escolans qu’agen endonviat mès personatges e un aute as qu’agen artenhut mès punts.
Eth nòste prumèr Personatge Misteriós començarà eth deluns 10 de deseme.

                        ANIMA-TE E PARTICIPA!!!