OBJECTIU
Era foncion principau deth Plan Catalan der Espòrt ei promòir e facilitar que toti es mainatges e mainades poguen realizar activitats esportives dehòra der orari lectiu.
OFÈRTA ESPORTIVA
En tot auer en compde eth nombre d’escolans/es matriculadi ena nòsta escòla, s’a cercat un format d’activitats que poguen amassar disparièrs cicles educatius e tipologies esportives, en tot sajar qu’es activitats gesquen a bon prètz.
QUÒTA
Tot e es despenes de foncionament fòrça nautes e en tot auer en compde qu’era participacion non tostemp ei era desirada, era Comission deth Plan Catalan a fixat era quòta trimestrau a 20 euròs.
ASSEGURANÇA
Entà participar en quinsevolh activitat que promò eth centre per miei deth Plan Catalan e eth Conselh Esportiu d’Aran cau pagar ua assegurança annau de 7’50 èuros cada participant. Aguesta darà cubertura a totes aqueres activitats organizades peth Plan Catalan e Conselh Esportiu.
COMISSION
Coordinador: Jaume Badia Fusté
Vanessa Cuni Delaurens Membre junta der AMPA (Presidenta)
Yesica Navarro Contreras Membre junta der AMPA (Tresorèra)
Sira Ortiz Pané Mèstra dera escòla (Secretària)
Pilar Safont Farré Exalumna e Mair (Vocau)
Marcos Madrid Ruiz Exalumne e Pair (Vocau)
Marta Rodríguez Roman Mair (Vocau)
Jaume Badia Fusté Director escòla (Coordinador)
NORMES
Era escòla non se pòt hèr responsabla de tota era mainadèra que demore hèr era activitat des 17:00 ores enquiàs 17:15. Per aguest motiu, barraram eth portau (exceptat que siguen acompanhadi peth monitor/ra)
Era data límit entà entregar es inscripccions serà eth dia d’inici des activitats
SUBVENCION
Era gestion deth Plan Catalan der Espòrt compòrte ues despenes annaus importantes, com son es nòmines e gestories, que non se cobrissen damb era quòta que paguen es escolans/anes. Per aguesta rason es escòles dera Val que participam en Plan Catalan der Espòrt, recebem a compdar de 2018 ua subvencion annau deth Conselh Generau de 1.500 euròs; destinadi a redusir aguestes despenes de monitoratge, gestoria, transpòrt, activitats e materiau.
Per un aute lòc er Ajuntament de Bossòst collabore, a compdar der an 2018, damb ua aportacion economica de 850 èuros annaus.
ACTIVITATS PRUMÈR TRIMÈSTRE – CORS 23/24
ACTIVITAT | DIA | ORA | LÒC | PRÈTZ |
ACTIVITAT ESPORTIVA VOLEIBOL | Deluns (Primària) | 17:15-18:15 | Pati dera escòla / Pòliesportiu (Martí Alonso) | 20 èuros |
Yòga tàs petiti |
Dimars (Ed.Infantila/C.Inciau) |
17:15-18:15
|
Aules dera escòla (Yesica Navarro) | 20 èuros |
JÒCS E PSICOMOTRICITAT |
Dimèrcles (Ed. Infantila) |
17:45-18:45
|
Zòna Esportiva / (Martí Alonso) | 20 èuros |
PATINATGE |
Dimèrcles (Primària) | 17:15- 18:15 | Pòliesportiu (Yesica Navarro) | 20 èuros |
INICIACION FOTBOL 7 |
Dijaus (Ed. Infantila – I4/I5) | 17:15- 18:15 | Zòna Esportiva / Pòliesportiu (Sara Adalid) | 20 èuros |
TEATRE
|
Dijaus (Primària) | 17:15- 18:15 | Zòna Esportiva / Aules dera escòla (Yessica Navarro) | 20 èuros |