Des deth cors 2013/2014, era escòla amie a tèrme eth Plan d’Impuls ara Lectura, un projècte qu’a coma objectiu principau promòir era lectura sistematica en toti es airaus e matèries deth curriculum, pr’amor qu’era lectura ei ena base dera màger part des aprendissatges. Se vò aumentar era competéncia comunicativa lingüistica e eth desvolopament dera abituda lectora, entà formar boni lectors qu’aprenguen e que les shaute liéger.
Eth Plan d’Impuls ara Lectura se fonamente en tres eishi:
Saber liéger: Er aprendissatge dera lectura coma desvolopament dera capacitat de liéger, compréner e interpretar tèxti.
Liéger entà apréner: Er emplec dera lectura entar aprendissatge. Es escolans/es an d’auer era capacitat d’emplegar era lectura coma esturment entar accés ara informacion.
Gust per liéger: Eth gust per liéger s’aquerís en tot desvolopar era abituda lectora, en tot promòir era lectura sistematica, en tot apréner a reflexionar sus çò que s’a liejut e en tot compartir damb es auti. Es activitats d’animacion ara lectura dera bibliotèca escolara son un recors fòrça eficaç entà arribar a formar boni lectors.
Eth centre trabalhe sistematicament damb er alumnat es estrategies lectores qu’an d’aquerir entà esdevier lectors competenti (hèr-se preguntes, inferéncies, trapar era idia generau….).
Eth papèr des familhes ei tanben fonamentau, ja qu’ei de besonh acompanhar as escolans/es, pendent tota era etapa d’educacion infantila e primària en aqueriment des estrategies de lectura e ena formacion de bones abitudes de lectura. Entad açò, ei essenciau trapar ua estona diària (de 10 a 20 menutes) entà liéger damb era mainadèra o liéger ath sòn costat entà refortilhar es abitudes de bon lector e era lectura autonòma.
Eth Departament d’Educacion met a disposicion des centres educatius orientacions, pautes e formacion as mèstres e as familhes entà incorporar era lectura coma eish vertebrador des aprendissatges, cadun des deth sòn encastre de responsabilitat.
En enlaç que seguís podetz obtíer mès informacion:
https://xtec.gencat.cat/ca/projectes/lectura/impulslectura/