Era mainadèra de cicle iniciau auem trabalhat eth còs uman, en tot partir der ODS 3 “Salut e Benèster”. Eth projècte comencèc damb era elaboracion de confetura de mores qu’anèrem a cercar en nòste entorn. Era pregunta iniciau siguec:
Qué passe damb era mora un còp mos l’auem minjat?
Atau que comencèrem a investigar es foncions vitaus des èsters vius en tot cercar informacion e realizar bères maquestes des aparelhs, aprenerem fòrça!
|
 |
 |
Pensèrem que serie ua bona idia, coma producte finau, realizar uns jòcs de taula tàs escolans e escolanes d’educacion infantila entà que trabalhèssen era oralitat enes tres lengües qu’auem ena escòla, coma auíem trabalhat eth nòste còs les creerem uns “Qui ei Qui?” les hèrem fotografies damb es tablets e mos meterem a bastir aguesti presents, entà explicar-les les normes hèrem un panèus damb eth canva.
Era vertat ei que non paren de jogar!
Entà que mos quedesse un rebrembe entà tostemps realizèrem un lapbook entara carpeta d’aprendissatge.
A estat un projècte fòrça interessant e que mos servirà entà tostemps!!
