Salut

Vos informam de bères actuacions qu’amiam a tèrme en centre restacades damb era salut der escolanat:

ADMINISTRACION DE MEDICAMENTS AS ESCOLANS/ES:

Entà poder administrar un medicament ar escolan/a, tostemp que sigue imprescindible hèr-lo en orari lectiu, cau qu’eth pair, mair o tutor/a legau apòrti ua recèpta o informe deth mètge damb eth nòm der alumne,  eth nòm deth medicament a préner e era pauta d’administracion. Tanben, cau ua autorizacion signada peth pair, mair o tutor/a legau adreçada ara direccion a on se demane era administracion deth medicament ar escolan/a.

En tot seguir es recomanacions deth Departament de Salut e era Societat Catalana de Pediatria, s’a includit eth paracetamòl ena farmaciòla deth centre. Entà administrar-lo, cau auer era autorizacion signada des pairs, mairs o tutors legaus. En nòste apartat de documents traparatz ua mòstra dera huelha d’autorizacion entara administracion de paracetamòl.

MALAUTIES

En cas de contagi de malauties infectocontagioses (polhs, varicel·la, conjuntivitis…), er alumne demorarà en casa enquia qu’eth servici de pediatria ac aconselhe e s’ac comunicarà ath centre.

ALLÉRGIES

Es familhes an d’informar ara escòla de quinsevolh allérgia o ua d’auta particularitat sanitària deth sòn hilh/a.

VACUNES E REVISIONS DENTAUS

Era escòla se coordine damb er Espitau de Vielha entara administracion de vacunes ar escolanat de 6au.,  atau coma tàs revisions dentaus des escolans/es des cicle iniciau, cicle miei e 6au cors.

PLAN DE CONSUM DE FRUTES E ORTALÉCIES

Des deth cors 2013-2014, eth centre participe en “Programa de Fruita i Hortalisses a les escoles” del Departament d’Agricultura, Ramaderia, Pesca i Alimentació de la Generalitat. Es objectius son:

  • Aufrir fruta e ortalécies gratuïtes.
  • Informar sus es beneficis der increment deth consum d’aguests aliments.
  • Realizar activitats entà aquerir era abituda deth consum de fruta.

 

Webs d’interès: