Aué es escolans e escolanes de cicle miei, ena setmana Bio, auem anat tà Les entà visitar era empresa Arantast, era quau elabore chucs, sidres, vinagres, mostarda e sausses artesaunament a compdar de varietats locaus de fruta, sense tractament fitosanitari ne usatge de regadiu.
Mos a recebut Hennin, proprietari dera empresa, e era sua ajudanta Amalia en sòn locau a on mos an explicat e mostrat eth procès entara elaboracion de chuc. Ath delà, mos an dat a tastar pomes,chuc de poma e mos an regalat dues ampolhes entà compartir ena escòla.
A estat ua experiéncia fòrça interessanta e motivadora que mos a ajudat a èster conscients dera importància deth consum de productes de proximitat e deth sòn valor.
Tanben auem aprofitat era gessuda tà passejar peth pòble e pujar tath castèth de Pijòert a on èm gaudit des vistes deth pòble.
