Et passat dimèrcles 5 de junh es escolans de cicle iniciau anèrem tath parc nacionau d’Aigüestortes.
Eth nòste guida, Josep Maria, mos expliquèc fòrça causes interesantes, coneishèrem diferenti tipes d’arbes, escotèrem eth cant de diuèrsi audèths e vedèrem era abitat des disparièrs animaus que viuen en parc.
Tanben mos expliquèren perquè se ditz aigüestortes. Aguest nòm hè referència a qu’eth arriu va hent virades e revirades per tot eth parçan, d’aquiu ven eth sòn nòm.
Eth temps non mos acompanhèc massa, era ploja que mos amenaçaue tot eth maitin acabèc queiguent tà meddia e dinèrem ena cabana de Blanca, ua biologa, que mos condèc qu’hège tamb es tritons pirinencs des lacs de nauta montanha que i a per tot eth parc. Ua explicacion fòrça interessanta.
Dempús de dinar, baishèrem tamb es taxis tara casa deth parc que i a en Boí. Aquiu vedèrem ua maqueta e un audiovisuau.
Un dia ena natura, toti amassa, desvelhant es nòsti sentits en tot shomar falires naues, escotant disparièrs sons e conviuent es uns tamb es auti.