Ena escòla mos shaute fomentar er amor pera lectura e era imaginacion. Ei per açò, qu’aguest cors auem estreat ua naua activitat: un conde entà toti!
Hè ues setmanes gaudirem dera prumèra session damb ua des familhes damb eth conde ” Er auet de nadau”. Era mainadèra podec víuer un moment magic e tanben apreneren naues paraules en aranés. Aguesta setmana era mainadèra d’educacion infantila tanben gaudiren damb ua auta familha damb eth conde de Blancanhèus e es sèt nans, restacat damb eth sòn projècte de minaria.
Volem arregraïr era participacion des dues familhes qu’an collaborat. Volem qu’aguesta activitat sigue especiau e dubèrta entà toti, per açò, vos animam e encoratjam a participar!
Se vos agrade explicar condes, compartir istòries o simplament víuer ua estoneta magica damb es mainatges e mainades, vos convidam a formar part d’aguesta experiéncia!!
Vos i demoram damb fòrça desirs de seguir en tot dar vida as paraules…..
