Laguens dera Setmana Bio , era mainadèra d’Educacion Infantila a hèt disparières activitats: gessuda dera tardor, manualitat damb es elements trapadi ena gessuda, plantar en uart escolar,…
Deluns peth maitin, anèrem peth Camin dera Lana a observar eth paisatge, veir es cambis des colors des huelhes, cercar fruts pròpris dera sason ( pomes, nòdes, pinhes, mores, granhons,…), trapar bèth animalon ( cargòlh, oelhes, crabes, shivau,garies, poth, gats,…) e tanben trapèrem lordèra. Profitèrem a destacar era importància de respectar er entorn naturau.
Deluns ena tarde, semièren es plantes d’iuèrn: carròtes, enciam, beletes, espinards, bròquil, caulet flor, api e beletarrava.
Rebrembant qué an de besonh es plantes entà víuer, aigua, solei e saus mineraus; nosati anèrem tara compostadora dera escòla a arremassar tèrra ( d’aquiu treiguem es saus mineraus). Aguesta tèrra la barregèrem damb era deth uart, metèrem eth plantèr, arrosèrem e sarrèren en tot vigilar de non estronhar era planta.
Fin finau, acabèrem metent un plastic dessús entà bastir un ivernatge e premanir es plantes entar iuèrn.
Entà despedir era Setmana Bio, mos emportam tà casa un petit rebrembe.
