Era celebracion dera setmana Bio en educacion infantila ( deth 13 ath 17 d’octobre) comencèc damb era visita des Agents deth Miei Ambient. Èren en tot repoblar eth canau de trueites e cabilats, peishi autoctòns dera montanha .
Les ac ensenhèren ara mainadèra e disfrutèren un pialèr en tot tocar-les e agarrar-les. Era trueita damb damb es sòns puntets vermelhs en costat deth cap e eth cabilat, en perilh d’extincion.
Deluns ena tarde, deishèren liures as cargòlhs dera classa. Cada dia s’escapauen pera aula, se minjauen es nòsti pòsters,….E com les estimam tant, les portèrem tath prat entà que siguessen en libertat.
Dimèrcles 15, realizèren ues activitats fisiques en pati entà celebrar era “vida”. Jòcs d’abilitat, de coordinacion , de combinacion psicomotritz e de trabalh en equipa.
Fin finau, dijaus ena tarde, hérem era gessuda dera tardor peth Camin dera Lan, un classic des nòstes excursions des sasons. Trapèren coges, nòdes, aglans, aurassi, bèth misharnon, huelhes seques, floretes…..e gaudírem deth nòste entorn naturau ua bona estona. Damb es elements trapadi elaborèren ua manualitat de rebrembe deth dia.
