Planvoludes familhes,
Arribam ath finau deth nòste prumèr projècte e vos volem mostrar es darrères actiuitats qu’auem hèt entà premanir era nòsta campanha de donacion de sang en Bossòst.
Visitèrem era clinica Aran Veterinaris on Carmen mos mostrèc es sòns espacis, mos expliquèc tot çò dera sang restacat damb es animaus e poderem observar damb eth microscòpi.
Ua auta tarde, venguec tara escòla Joana, trabalhadora deth laboratòri der Espitau dera Val d’Aran, qui mos expliquèc es grops sanguinis e eth foncionament deth banc de sang e teishits.
Tanben vengueren Montse Moran e Loïsa Estévez, voluntàries dera Associacion de donants dera Val d’Aran, a qui realizèrem ua entrevista entà conéisher eth sòn ahèr e eth foncionament des campanhes de donacion de sang.
Volem arregraïr a totes es persones que mos an ajudat a apréner tot çò restacat damb era sang e es donacions e poder realizar era nòsta campanha.
Vos rebrembam qu’eth pròplèu dimars 20 de gèr podetz participar ena donacion de sang en Espaci Actiu de Bossòst des de 15:00 enquias 19:00.
Vos i demoram!
