Es escolans de Cicle Miei, pendent eth prumèr trimèstre , auem trabalhat eth projècte “Tara nòsta gent grana”.
Era situacion actuau de pandèmia ena que mos trapam, pensam qu´a afectat a un sector dera nòsta societat qu’ei era gent grana. Per aguest motiu voliem conéisher aguest collectiu de persones, escotar es sòns sabers, vivéncies…. Per aguest motiu e en tot trabalhar de forma coordinada es lengües, creèrem un petit present entà desirar-les ues bones hèstes. Coma reconeishement les hèrem ua postau qu´er escolanat balhèc ara gent grana mès propèra.
En tornar de Nadau, mos inicièrem en Scratch e en tot trabalhar eth pensament computacionau, en tot crear un projècte a on era premisa ère elaborar un dialòg entre ua persona grana e un mainatge/da.
Vos presentam bèth un des nòsti trabalhs….
| Era situacion actuau ena que viuem a afectat a un sector dera nòsta societat qu’ ei era gent grana. Volem conéisher aguest collectiu de persones, escotar es sòns sabers e oferir-les un present aguest finau d’an. |
