Eth passat dimèrcles dia 03 de deseme er escolanat de Cicle Superior siguèc guardonat damb eth 1èr prèmi ath projècte d’emprenedoria mès creatiu “Brinhon Culturau”, qu’autretgèc era Diputacion de Lhèida en concurs “Creativitat e Talent Emprenedor”.
Era mainadèra de Cicle Superior, pendent eth cors 2024/25, desvolopèc un projècte d’emprenedoria de lengües integrades; a compdar d’un rèpte lançat pera bailessa dera localitat en tot demanar-les ajuda dauant eth besonh d’arténher un torisme mès sostenible e familhar que non siguèsse unicament consumista. Es escolans/es decidiren crear era sua pròpria empresa d’eveniments culturaus nomentada Brinhon Culturau, en tot simular-ne era sua gestion. Aguest projècte a permès balhar ar ajuntament un informe entà bastir un camin de legendes tematizat en municipi qu’ajudarà a difóner era cultura pirenaica. Eth director dera escòla Jaume Badia Fusté, arremassèc eth prèmi en nòm de tot er escolanat, que non poderen assistir-i per manca de pressupòst.
