Eth passat diuendres, 27 de gèr, es escolans de cicle superior viatgèren tà Lheida tà assistir ara 1èra Jornada sus Transformacion Economica qu’organizaue era Diputacion de Lhèida. Previament, aguesti escolans auien realizat activitats en centre e auien gravat ua pellicula sus bioeconomia que presentèren en concors.
En teatre dera Llotja realizèren disparièrs talhèrs e participèren en diuèrses entrevistes. Fin finau, arribèc era ora der acte finau d’entrega de prèmis.
Entre nèrvis, emocions e illusions es escolans e escolanes de cicle superior receberen eth prèmi ara milhor pellicula! Ua des escolanes pugèc en escenari entà respóner es preguntes deth presentador der acte e damb un aranés perfecte, deuant de tot eth public dera Llotja, expressèc aquerò qu’auiem trabalhat ena escòla.
Felicitats mainadèra, pera vòsta illusion, pes vòstes ganes d’apréner, per èster eth futur d’aguesta societat que vò canviar causes e vò arribar a èster mès sostenibla e per défener e parlar era nòsta lengua!
Aciu vos deisham bèra fotografia e eth vidèu guanhador.
