Damb era arribada dera primauera, era mainadèra d’educacion infantila premanís era naua taula sensoriau restacada damb era sason entà perméter explorar e manipular materiaus de manèra segura, fomentar er aprendissatge integrau a través des sents. Aguesta airina tanben estimule era creativitat, era motricitat fina, era coordinacion man-uelh e eth desvolopament deth lenguatge en tot promòir era autonomia e era concentracion.
En prumèr lòc, pinten per parelhes, fidèus, garbanços e macarrons damb pintura verda laguens d’ua bossa de plastic .
Ara seguida, tiren eth contengut dessús de papèrs de diari entà demorar que se sequen.
Fin finau, quan tot eth materiau ei sec, ac placen ena gaveta damb garrotets de husta e targetes des imatges des flors dera val entà emparelhar-les e apréner es sòns nòms: vrioleta, lila, margalida, ròsa, pansauèc, tulipa, menina o lauaneta e, chicòia.
Aaaah, en acabar, tiren es bosses en contenedor jaune!! Classam era lordèra entà ajudar a cuedar era planèta.
Era taula sensoriau de primauera ja ei prèsta…Seguim en tot apréner!!
