Ager recebérem ena escòla era visita d’Inma Caubet, que venguec a plantejar-mos un rèpte fòrça especiau: participar ena Maraton de TV3 e aportar eth nòste granet de sable ara investigacion.

Pendent era sua visita, mos expliquèc qué ei era Maraton e perqué ei tan importanta. Tanben coneishérem quauqui scientifics destacadi, descobrírem quini auien estat es tèmes des edicions anteriores e mos parlèc des malauties protagonistas d’enguan. Sustot, comprenérem era importància de recaptar sòs entà que es scientifics poguen contunhar investigant e avançant ena prevencion, eth diagnostic e eth tractament des malauties.

Dempús dera xerrada, hérem ua pluja d’idèes entre tota era classa entà decidir de quina manèra podíem participar nosati. Dempús de valorar diuèrses prepauses, ac auérem clar: organizaram ua caminada solidària peth pòble!

Mès endauant vos explicaram toti es detalhs, mès de moment vos animam a estar ben atenti e atentes… perquè demoram poder compdar damb toti vosati eth dia dera caminada!

Amassa podem aportar eth nòste granet de sable ara Maraton! ❤️