Dijaus 17 d’octobre, es escolans e escolanes de P3, P4 e P5 gessérem a hèr era gessuda de tardor.
En tot pujar peth Camin dera Lan, ath darrèr dera escòla, vedérem e trapèrem un pialèr de causes interessantes. Observèrem era forma des arbes e des arbilhons, des sues huelhes e des sòns fruts (castanhèr damb es castanhes, escarèr damb es nòdes, casse damb es aglans, aurassèr damb es aurassi, granhoèr damb es granhons, arrominguères damb bèra mora). Tanben trapèrem arradim, codonhs, bèra floreta jauna e ròsa e… ortigues!!
Entà acabar eth maitin esdejoèrem toti amassa en tot gaudir des colors dera tardor e en tot respectar era natura en un ambient de convivéncia entre toti .
Quan arribèrem ena escòla classèrem toti es productes arremassadi e parlèrem de tot çò qu’auiem aprenut.
