Ena gessuda dera primauera deth passat dimars dia 14 de mai, era mainadèra d’educacion infantila aprenguec un pialèr de causes en tot explorar er entorn naturau.
Trapèren flors de color blanc, jaune, ròsa, lila, blu (sòja, sauquèr, margalides, menina o lauaneta, flor dera chicòia, trèfla, clavelines, pisha-cans, botón d’òr, clareta,…); plantes sense flor, cuques (marieta, vèrmes,…) que s’an desvelhat en arribar eth bon temps, uassi gròssi que possiblement portèren bèth gosset e un shivau que mos guardaue damb curiositat en tot béuer laguens deth sòn pàrrec.
En tot investigar, descorbiren eth pollèn des flors, aguest povàs fin que produsisssen es plantes damb seme.
Tanben observèren es ortigues. Ara ja saben qu’ aguestes que non les cau tocar se non……
A mès, vederen causes que non mos agradèc pas bric: plastics, lates, veires e tovalhons de papèr en tèrra.
Damb es flors e plantes arremassades les gessec un nhòc atau de polit.
“Era primauera a arribat,
que polit se met eth prat”.
E es nòsti prats encara mès.
