Er èlf, aguesta creatura mitica dera mitologia nordica e germanica que mos a visitat pendent tota era setmana.
Eth prumèr dia se presentèc. Se cride Galadriel, vò hèr es hèstes de nadau mès magiques e especiaus, cada net volarà tath Pòl Nòrd tà veir a Pair Nadau e , cada dia le traparam en un lòc diferent dera escòla.
A londeman, toti es libres dera bibliotèca deth passadís qu’èren en tèrra…Quin desastre!! Era mainadèra ajudèc a arremassar-les.
Dijaus, en arribar tàs 9 deth maitin, le trapèrem seigut ena cagira damb uns amics en tot guardar ua pellicula e minjar milhoquetes…Quina calamitat!! Amortèrem er audio e toti a trabalhar.
Fin finau, diuendres non se podie entrar en encastre escolar….quina pudor…..er èlf s’auie deishat era caca peth miei…Quina tragèdia!!
Es tracasseries der èlf mos an divertit un pialèr damb era sua magia, mistèri, imaginacion e creativitat e, mos an refortilhat era idia dera importància d’un comportament avient, des abitudes e de seguir es consignes entà ua bona convivença.
Que seguisquen es celebracions deth Nadau!!
