En tot seguir damb es ahèrs dera Setmana Bio ena escòla, er escolanat d’educacion infantila a anat a crompar ena parada deth mercat deth pòble, damb eth sòn panièr, fruts de tardor qu’eri an decidit.

Com non podie èster d’ua auta manèra, era classa des Verdifruts experimente e taste es frutes dera sason!!

Maugrat era ploja, tanben auem anat a visitar oelhes araneses. Juan José e Gabi mos an deishat tocar-les, dar-les pan e mos an ensenhat fòrça causes.

Sabetz qu’era oelha aranesa a còrnes e le talhen era coa entà esvitar infeccions? A mès, ath torn des uelhs a color ròsa e son ena montanha enquia noveme, mès o mens. Eri mos expliquèren que les pengen ua esquèra ad aqueres mès tracassières entà saber a on son. A nosati mos an deishat tocar-les e hèr-les a sonar. Normaument, es oelhes van totes amassa mès, a còps, tanben se barregen damb crabes. Entà identificar-les pòrten ena aurelha ua “medalha” damb es sues donades o les pinten es iniciaus deth sòn pastor ena esquia. Ad aqueres mès modèrnes les pengen un GPS localitzador entà saber a on son en tot moment.

Gràcies J.José e Gabi!!

Arregraïm fòrça era vòsta collaboracion!!