Era setmana deth 21 ath 25 de noveme, se celebrèc ena escòla era Setmana Europèa de Prevencion de Residus. Totes es familhes participèren activament e contribuiren a arténher un Bossòst mès sostenible. Es activitats qu’amièren a tèrme sigueren:
–Era Liga “Zèro Plastics”: er escolanat competís en ua Liga que premiarà ath cicle que genère mens residus plastics, pr’amor qu’es brics son de mau reciclar e contaminen fòrça.
–Campanha d’arremassada de residus: s’an portat piles, tóners… en tot promòir era arremassada selectiva d’aguesti tipe de residus.
–Mercat de ròba usada: s’a organizat un mercat damb er objectiu de reutilizar era ròba, pr’amor qu’era contaminacion textila ei cada còp mès preocupanta.
Participar ena Setmana de Prevencion des Residus ei ua oportunitat entà aumentar era nòsta consciéncia ambientau e redusir era peada ecologica. Gràcies a toti!
