Com per art de magia ja a passat eth prumèr trimèstre deth cors 2023/24. E a arribat ua des epòques mès celebrades pera mainadèra.
Era setmana passada arribèc era tronca puntuament entara alegria des petiti dera escòla e tanben se escuelhec era postau guanhadora que servirà entara felicitacion de Nadau der Ajuntament de Bossòst tàs vesins e vesies deth pòble.
E aguesta setmana, entà acabar:
- deluns 18: Concèrt de nadalets ena plaça dera glèisa ath torn des 15:30 ores. E, còp ena escòla, damb un vrespalh aufrit per Ajuntament.
- dimars 19: Arribada deth patge ena escòla ena tarde. Eth vrespalh dera tarde e eth present tàs escolans/es ei gentilesa dera AFA.
- dimèrcles 20: Peth maitin, es petiti haran a cagar era tronca en tot banhar es garròts e non hèr-le mau ara soca e, es grani s’acomiadaràn repartint es presents des amics invisibles. Esdejoaram tota era escòla gràcies ara collaboracion der Ajuntament .
Entre miei de tot aquerò, decorar es hièstres deth centre, premanir es cartes e elaborar un bon desir de cada cicle entà ajudar a bastir un mon milhor.
Arregraïm era collaboracion der Ajuntament, dera AFA e deth Casau deth Jubilat pes sues collaboracions damb nosati.
Sonque vos podem díder: Gràcies e Bon Nadau e Erós An Nau 2024!!
