Es escolans e escolanes de cicle iniciau auem realizat eth projècte: “Aliments boni tath còs”, damb eth auem aprés un pialèr de causes relacionades damb er ODS 3: Salut e eth benèster e er ODS 12: Produccion e consum responsables.
Ena nòsta gessuda peth pòble descorbírem es aliments de proximitat que podíem trapar en Bossòst e en quines botigues les venien, com gessérem damb es tablets per grops fotografièrem es bastisses. Decidírem hèr tres planòls damb es fòtos des botigues e escriuérem diuèrsi itineràris. Aguesti les regalèrem ara mainadèra d’educacion infantila entà que poguen trabalhar era orientacion espaciau damb eth sòn pròpi còs e tanben damb es Bee Bots. Aciu auetz ues fòtos deth moment en que les ac balhèrem e joguèrem damb eri:
A mès a mès, dejà qu’auiem trabalhat era ròda des aliments e era piramide alimentària, pensèrem que com toti esdejoam ena escòla ara ora deth pati, poiríem crear esdejoars saludables e presentar-les as nòsti companhs e companhes. Les dissenhèrem damb eth “Canva”, calculèrem eth prètz apruprètz que mos poirie costar cada dia er esdejaor e eth resultat siguec aguest:
A estat un projècte fòrça interessant damb eth qu’auem aprés causes naues!
